Menu

znfr:

image

حتى الأغاني ما عادها تبكيني..

وإن بكيت ما هو برضاي مجبور..

أبعرف البلا بقلبي ولا هو فيني..

لا حكى لي أحبك رديت مشكور..

أدري مجروح وما أبي من يداويني..

هذا حالي من تالي ما هو غرور..

جربت العشق كثير وبكل التلاويني..

جربت أكون وافي وأرضى بالقصور..

جربت أبكي بين نفسي وبيني..

وجربت أضحك له وداخلي مكسور..

سويت كل شي والألم بايّن بعيني..

ولا قد شكيت وما أبي يقال معذور..

كنت أخبي القسوة وأظهر بليني..

كنت أحس كل ضلع فيني مبتور..

كنت أداري وضايقه فيني سنيني..

وكنت أشعر درب العشق مهجور..

وبعد هذا بسأل وأبي منك تعلميني..

أعيش طول عمري أتألم..

ولا أعيش بليا شعور..

- زنفر

(via faisalw)

Nov 23, 2019

Indy Theme by Safe As Milk